باسم سمير أمين من مواليد طنطا في 9 سبتمبر 1988، أستاذ دولي كبير في الشطرنج تصنيفه الدولي 2709 في نوفمبر 2018 أعلى تصنيف في تاريخ مصر والعرب وأفريقيا. نال أمين اللقب في بطولة إفريقيا للشطرنج لسنة 2015، وفي 2008 احتل المركز الثالث في بطولة العالم للشباب. وهو خريج لكلية الطب.
أول مصري وعربي وأفريقي، يحصل على لقب السوبر جراند ماستر، أعلى ألقاب الشطرنج، وكذلك أول مصري وعربي وأفريقي يدخل تصنيف أفضل 100 لاعب في الشطرنج. باسم حصل على 104% في الثانوية العامة، دخل كلية الطب، في سنة تالتة تعنتوا معاه لإنه كان بيخوض بطولة العالم للشباب أثناء فترة الامتحانات، واضطر يعيد السنة .اتخرج، استقال من وزارة الصحة عشان يتفرغ للشطرنج .باسم أمين، حاصل على الجراند ماستر، والسوبر جراند ماستر، اتعادل مع المصنف الأول عالميًا، فاز على المصنف التاني والتالت والرابع، وكسب بطل العالم السابق مرتين .اتعرض عليه الحصول علي الجنسية الأمريكية لكنه رفض، بيلعب لمصر ببلاش، من غير مكافآت، بدون راتب، بيلاعب أبطال العالم اللي عندهم: مدرب، مساعد شخصي، اخصائي بدني، فريق عمل كامل، وباسم حتى معندوش مدرب .
بيسافر البطولات على نفقته الشخصية، والإعلام مش مهتم ومش مركز ومش عارفين نحتفي بالبطل اللي تصنيفه رقم 35، وأول مصري وأفريقي وعربي في التاريخ يحقق أعلى ألقاب الشطرنج، ويدخل تصنيف أفضل 100 لاعب .