صرحت المخرجة “مريم ريحان” بأن العمل القادم لها سيكون فيلمًا رومانسيًا، بشكل كوميدي، قائلة:”الفيلم مختلف عن الأفلام المصريه شوية .. فيلم جرىء مبني على لعبة فكرته أقرب الى الأفلام الأجنبي، كتبه الاستاذ الراحل مدحت السباعي، وقمنا بتعديل السيناريو ليواكب العصر الحالي ومستجداته”.
وتابعت ريحان قائلة:”الفيلم قصته باختصار عن رحلة لشاب وشابة بيحبوا بعض، وبيحاولوا يحققوا أحلامهم ويجيبوا جزء من حقوقهم البسيطة في البلد، ويتمنوا أن يبقى عندهم شغل وسقف يلمهم وبعض الفلوس، حتى توصلوا إنهم بقى معاهم ده كله، ولكن اتاخد منهم الحاجه اللي كانوا متربين وبيحافظوا عليها وهي الحب .. مش لما جالهم الفلوس مبقوش يحبوا بعض لا دي مش حقيقه ولكن لما تنازلوا لأنهم ضعفاء واتلعب بيهم تحولوا لأشخاص مختلفه وتدور الاحداث المشوقه فى الفيلم من البداية حتى النهاية”.
أضافت مريم، أن الفيلم من انتاج ناهد فريد شوقي، وبطولة النجمة غادة عبد الرازق وأحمد الفيشاوي وناهد السباعي، ومدير الإنتاج حسينى فرج ، قائلة:”نحن الأن في مرحلة التحضير وجلسات على الورق وبروفات، وسنقوم بالتصوير خلال الأسابيع القادمة”.