تقدم “وكالة الأخبار المصرية” روشتة مساعدة مدمن للاقلاع عن إدمان المخدرات .
وأول حاجة لازم تعرفها قبل مساعدة اي مدمن أن الادمان مرض زي اي مرض تاني و المدمن ليس مجرم لكنه مريض وضحية في حاجة لمساعدتك وأكبر غلط ممكن تقع فيه الاعتقاد أن المدمن عضو فاسد يجب استئصاله من جسد المجتمع بدلا من الوقوف بجانبه ومساعدته واعادته للحياة مرة تانية.
ولازم تتأكد من ان الادمان يمكن علاجه والسيطرة عليه اذا دخل المريض فى برنامج علاجي منتظم فى أحد مستشفيات ومراكز الصحة النفسية وعلاج الادمان وأن المريض هو العنصر الفعّال لإحداث التغيير.
المدمن بيكون فى حالة نفسية صعب ان اى شخص عادى يفهمها حاول دائما تخليه يحس انه مش لوحدة وانك واثق انه هايقدر يتغلب على الحالة اللى هو فيها و يرجع لحياتة مرة تانية الثقة دى بتكون دافع قوى وبتحسسه انه قد التحدى ودايما بيبقى ليها أثر إيجانى على نفسيتة.
غالبا ما تكون اسرة المدمن بتعيش فى حالة خوف وقلق مش لانهم بيتعاملوا مع المدمن لانهم متوقعين ان ممكن يكون فى إتصال فى أى وقت يبلغهم ان المدمن توفى نتيجة جرعة زيادة من المخدرات او انه تم القبض عليه فى حاله تعاطى لكن الكل بينسى ان الحل دايما بيكون فى إيجاد برنامج فعال لعلاج الادمان واحذروا من الشعور باليأس من حالة المدمن فالاصرار على علاج المدمن هى اول طريقه للشفاء.
اى ان كان إختيارك لعلاج الادمان ابعد عن برنامج 30 يوم للاقلاع عن الادمان وتعاطى المخدرات لان طبقا للمركز العالمى لتعاطى المخدرات اى حاله إدمان لازم تكون تحت العلاج والملاحظة لمده لاتقل عن 3 شهور فيما فوق لان المدمن بيكون فاقد للثقة فى نفسة وفقد مهارة التعامل والتواصل مع الاشخاص وده بياخد وقت عشان تقدر تأكد من الحالة النفسية للمدمن وإستعادته للمهارات دى كلها .
لازم تعرف أن لايمكنك تقويم واصلاح شخص من اول محاولة الشخص الوحيد الذي لديك أي سيطرة عليه هو نفسك.
لازم الاسرة تتوقف عن أي دعم مادي للمريض حتي لا يستمر في تعاطي المخدرات ومواجهة المريض بكل هدوء وحذر، حتى يستجيب للعلاج ولايرفضه وعدم استخدام العنف مع المريض.
احتواء الشخص المدمن واللجوء الى المتخصصين شئ مهم جدا للتخلص من الادمان دون الخجل من الحاله والشعور انه شخص مريض لايستطيع التخلص من المرض لحاله.
متضيعش يوم تشوف حد بتحبه فى مرض الادمان ساعده وارجع به تاني للحياة.