كشف مصدر مقرب من أسرة أحمد الجنزوري، منظم الحفلات الشهير، أنه جارٍ إنهاء الإجراءات القانونية، تجهيزا للإفراج عنه بعد قرار النائب العام بإخلاء سبيله.
وأضاف المصدر أنه سيتم إخلاء سبيل المتهم من مديرية أمن القاهرة، خلال ساعات قليلة.
وأمرت النيابة العامة، برئاسة المستشار حماده الصاوي، بإخلاء سبيل المتهم أحمد الجنزوري على ذمة التحقيقات في قضية التعدي على فتاة فندق الفيرمونت.
وقام أحمد الجنزوري، بكتابة رسالة لأمه و أسرته , وذلك من داخل محبسه على خلفية اتهامه في قضية الفيرمونت الشهيرة، التي وقعت أحداثها عام 2014 التي ستنشر على عدة حلقات متواصلة.
وذكر أحمد في رسالته من داخل محبسه: “أمي العزيزة أنا آسف ليكم كلكم انكم بقيتوا في الموقف ده بسببي، أسف أني حسرتكم وقهرتكم عليا، عارف يا أمي مدي معاناتك أنت وأخواتي بسبب اللي حصلي ده”.
وأوضح في رسالته: “أنا عارف أنني بريء ولا علاقة لي بحادثة فيرمونت دي لكن يمكن دي رسالة من ربنا ليا علشان أدعي له إنه يخرجني من اللي أنا فيه يارب أسمع صوتي ودعائي يارب، ارجوكم بلغوا كل أصحابي انني لا زالت على قيد الحياة وبحاول أصبر وأستنى الفرج”
واستكمل الجنززري: “أنا آسف أوي يا أمي لأنك اضطررتي تكوني في الموقف ده، كنتي دايما أفضل أم أعطيتني كل شيء وكنتي دايما عندك نكران الذات، أوعدك يا امي بأني هخرج من هنا في أفضل حال إن شاء الله، وهاخليكي فخورة بيا، أرجوكي يا أمي أبقي قوية و اصمدي يا حبيبتي، أنا مش هعرف اعيش دقيقة واحدة لو حصلك أي حاجة”.
واختتمت الرسالة ” بحبكوا كلكو، وارجوكو خلوا بالكم من نفسكم واضحكوا و اضحكي يا أمي سأكون بخير .. أرجوكي خليكي قوية و اصبري واعملي كل اللي تقدري عليه علشان اطلع من هنا، ومرة تانية أنا آسف علي كل الألم والحسرة و الحزن اللي سببتهم ليكي ولعائلتي كلها”.
من جانبه قالت الدكتورة مني الجنزوري، رئيس أقسام الأطفال بمستشفى عين شمس، إن الأسرة تنهار بسبب حجز شقيقي أحمد الجنزوري الشاهد في قضية الفيرمونت وليست له علاقة من قريب ولا من بعيد بالقضية.