مش كل من كتب فى بطاقته( ذكر)يصح أن نطلق عليه أسم(رجل)،فالرجوله مغناطيس يجذب له كل الصفات الحميده والأخلاق الرفيعه ،الرجوله معنى للأسف أصبح يفتقده الكثير من الذكور،فهى مش بالشعر الواقف والبنطال الساقط والسيجاره ومش بتثبيت البنات والمشى معاهم ليل ونهار.
فالرجوله ……..
– خليط من الشهامه والجدعنه ،الصدق والحياء،الطيبه والأدب.
– أنك تقوم من مكانك لما تشوف راجل كبير أو أمراه عجوزه أو بنت عشان تحافظ عليها بدل ما تحدق فيهم من مكانك فالأمر يعيبك ويطعن قلب رجولتك.
– أن تحافظ على البنت اللى شفت حد بيضايقها بدلا من أن تعاكسها أنت .
– أن الناس تثق فيك فيفيضوا لك بأسرارهم وهما عارفين أن الدار أمان وأن الكلام ده مش حيطلع بره.
– أن يلجأوا لحكمتك لما تضيق الدنيا بيهم.
– أن سيرتك العطره و صورتك الطيبه تبقى فى الأذهان حتى بعد ما تمشى.
– أن تغرس خير يظل يطرح ثمره حتى بعد أن تغادر الدنيا.
– الرجوله هى الأحتواء لا السيطره ،أنك تغمر بعطفك ورحمتك كل من حولك بما فيهم امك واختك وزوجتك.
– أنك ما تخليش والدتك تروح مشورها لوحدها عشان تروح أنت مشوار مع صاحبك.
– أن تحافظ على البنت اللى منحتك قلبها مش تخلى سيرتها على كل لسان وتعلق كل يوم بنت جديده.